قصص وحكايات للاطفال (حكايات ميرا )
* الشمس والرياح: كان يامكان يا سعد ي اكرام ما يحلا الكلام الا بذكر النبي عليه افضل الصلاة والسلام كان في مرة في يوم جميل وصافي كانت الشمس الشموسة والريح ( الهواء) يتحاوران من فيهم الاقوي , الشمش تقول انا الاقوي ومفيش حد اقوي مني . ترد الريح بقول لا انا الاقوي ومحدش يقدر ينافسني , فجاءة لقوا شخص مسافر ذاهب علي الطريق , اتفقوا اتفاق مين فيهم اللي يقدريخلي الرجل يقلع الجاكت , الشمس الشموسة الدافئه , ولا الريح الشديدة القويه المليئه بالتراب. استخبت الشمس وراء السحابه ,وبدات الرياح الشديدة علي الراجل عاصفة شديدة وبدا الرجل من كتر الهوا الشديد يدفي نفسه وبعد ما يأست الرياح وقفت الهوا الشديد علي الرجل المسافر, بعد ذلك سطعت الشمس شعاعهاونورها المشرق , الرجل المسافر حس بحرارة الجو فقلع الجاكت , فكسبت الشمس بلين نورها الدافئ المشع . * خطة الفأر للقطة :كان يا مكان في قديم الزمان وما يحلا الكلام الا بذكر النبي عليه افضل الصلاة والسلام, كان في يوم من الايام الفئران كتير كدا هما اصلا مجموعة كبيرة خاااايفين من( القطة) اللي هي الد اعداءهم , فعملو اجتماع واجتموا كلهم مع بعض يفكر ازاي يحموا نفسهم من هجمات عدوهم القطة , فكل واحد قال فكرة في اللي قال نراقبها , وحد تاني قال نضربها وحد تالت قال نحدفها من اعلي بيت , كل الحلول باءت بالفشل , مش هتنفع , في فارصغير يدعي هيرو قال هيرو : احنا لازم نفكر بمكر زي ما عدونا بيتصرف معانا بمكر, احنا كفيران لنسد ونحظر من هجمات العدو واقترح فكره الجرس بالحبل ويربطه في رقبت القطة ,لينتبهوا من خطوات العدو لهم , الجميع وافقوا علي الاقتراح وقال ان الاقتراح ذكي جدا , بعد ذلك ظهر جدهم الفار الكبير وقالهم (وهل فكرته مين اللي هيقوم بالمهمة دي ويربط الجرس حول رقبت القطة ), جميعهم نظروا لبعض , محدش هيقدر يقوم بالمهمة دي , فجاء صوت من الخارج ,صوت القطة بتضحك هخهخهخهخ , راحت القطة هجمت عليهم وقالت ناععععععععععووو علي الفئران , فجروا واسرعوا الفئران وكل واحد فيهم يستخبئ في مخبئهم وتوتة توتة خلصت الحدوتة.
